Gituohan nga naa sa Portugal ang kanhi Ako Bicol Rep. Elizaldy “Zaldy” Co taliwala sa nagpadayon nga pag-aresto sa mga nalambigit sa giingong mga anomaliya sa mga proyekto sa pagkontrol sa baha sa Oriental Mindoro, matod sa Department of the Interior and Local Government (DILG) niadtong Lunes.
Sumala ni DILG Secretary Jonvic Remulla, si Co mahimong adunay duha ka pasaporte, lakip ang usa ka Portuguese passport nga giingong iyang nakuha “daghang tuig na ang milabay,” ug miingon nga ang iyang pasaporte sa Pilipinas gikansela na, apan ang iyang giingong paghupot sa duha ka dokumento sa pagbiyahe naghatag og komplikasyon.
Dugang pa, ang Pilipinas ug Portugal wala usab’y extradition treaty, busa mahimong lisod ang pagdakop sa kanhi kongresista kung mapamatud-an nga naa siya sa maong nasud.
Bisan pa, gi-refer sa DILG ang extradition matter ngadto sa Department of Foreign Affairs (DFA).
