Gikumpirma sa Department of Justice nga si kanhi Ako Bicol Partylist Rep. Zaldy Co nag-atubang og bag-ong reklamo nga may kalabotan sa mga anomalosong proyekto sa pagkontrol sa baha.
Sumala sa Justice Spokesperson nga si Atty. Polo Martinez, ang National Bureau of Investigation nagsang-at og ‘plunder complaint’ batok sa kanhi magbabalaod.
Matod niya nga ang plunder complaint nga giatubang ni Zaldy Co lahi sa pito ka bag-ong ‘reklamo’ nga gidala sa departamento.
Giklaro sa tigpamaba nga kini lahi sa miaging 5 ka kaso nga may kalabotan usab sa mga anomalosong proyekto sa pagkontrol sa baha.
Dugang pa, nga ang unom ka bag-ong flood control related cases kay ang mga proyekto nga gitaho nga kompleto apan walay nakit-ang nahuman o ‘non-existent’ sa Bulacan.
Kini nagpasabot nga lima ka kaso ang nahuman niadtong Disyembre samtang ang unom nga nahisgutan mga bag-ong dugang nga nadawat sa departamento.
Laing lahi mao ang pagdugang sa ‘plunder complaint’ sa National Bureau of Investigation nga gisang-at batok kang Zaldy Co.
Gipasiugda usab niya nga ang ‘timeline’ sa pagpahigayon sa ‘preliminary investigations’ sa mga reklamo nga gisang-at sa bureau sa Department of Justice dili makanunayon.
Ang uban giingon nga anaa pa lang sa ‘reception of the complaint and evidence stage’ samtang ang uban anaa na sa proseso sa pag-file og ‘counter affidavits’ sa mga respondents.
