Nitingong na sa unang higayon si kanhi AKO Bicol Party-list Rep. Zaldy Co bahin sa mga kaso ug kontrobersiya nga gipanghapak batok kaniya.
Miingon si Co nga nanghinaut siya nga dili siya patyon sa dili pa niya mabutyag ang tibuok detalye sa nahitabo.
Gisaysay niya nga dugay siya wala motingong tungod kay adunay direktang sugo gikan kang kanhi Speaker Martin Romualdez nga dili una siya pabalikon sa nasud, ug sila na ang bahala kaniya,sumala pa sa instruksyon sa Presidente.
Gipadayag usab ni Co nga gitawagan siya ni Sec. Mina Pangandaman sa pagsugod sa proseso sa bicameral conference alang sa 2024.
Sumala sa iyang pahayag, gisulti ni Pangandaman nga adunay bag-ong instruksyon gikan sa Presidente nga isalmot ang P100 bilyon nga kantidad sa mga proyekto sa bicam.
Natingala si Co nganong miingon ang Presidente nga dili niya matino diin ang mao nga badyet.
Kana gumikan, kay si Sec. Pangandaman mangayo og pag-apruba alang sa tanan nga gikaltas ug gidugang nga pondo sa mga ahensya sa gobyerno.
