Pormal na nga nanumpa si Zambian President Hakainde Hichilema alang sa iyang ikaduhang lima ka tuig nga termino atol sa seremonya sa National Heroes Stadium sa Lusaka gahapon Martes, Setyembre 1, 2026.
Gideklarar si Hichilema nga midaog sa presidential election niadtong Agosto 13 human makuha ang 61.4 porsyento sa boto, samtang ang iyang pinakaduol nga kontra nga si Brian Mundubile nakakuha og 38 porsyento.
Apan, ang resulta sa eleksyon gisundan og kontrobersiya human kini giakusahan sa oposisyon og mga iregularidad.
Giingon usab sa mga international observers nga adunay mga isyu sa electoral process, lakip ang mga alegasyon sa unequal campaign conditions ug mga pagdili nga nakaapekto sa political opposition.
Si Mundubile misupak sa resulta ug nangayo og pagsusi sa mga alegasyon sa voting irregularities.
Human sa eleksyon, mitago siya sulod sa pipila ka adlaw tungod sa iyang gikabalak-ang seguridad sa wala pa siya ug iyang running mate nga si Makebi Zulu misurender sa mga awtoridad.
Ang duha gidakop ug giimbestigahan may kalabotan sa mga alegasyon sa treason.
Sa iyang inaugural address, misaad si Hichilema nga magserbisyo siya sa tanang Zambians, lakip ang mga wala mibotar alang kaniya, ug iyang gipasiugda ang pagpalambo sa ekonomiya, pagmugna og trabaho, ug pagpalig-on sa mga komunidad atol sa iyang ikaduhang termino.
