Gisaway ni Ukrainian President Volodymyr Zelensky ang usa ka “dili makatawhanong”ang pag-atake sa Russia, nga naglansad sa kapin 170 ka mga missile ug drone sa linya sa kuryente sa iyang nasud nga giguba sa giyera atol Adlaw sa Pasko.
Diin miresulta kini sa makamatay ug nagpahinabog kaylap nga mga blackout.
Ang nasud nahigmata sa usa ka air raid alarm, sa wala madugay gisundan sa mga taho sa air force nga ang Russia naglunsad og Kalibr cruise missiles gikan sa Black Sea.
Matud ni Zelensky nga gituyo nga pilion ang adlaw sa Pasko ni Putin sa ilang pag-atake diin nagpunting sa sistema sa enerhiya.
Kini ang ika-13 nga dako nga pag-atake sa sistema sa enerhiya sa Ukraine karong tuiga, diin ang pinakabag-o sa kampanya sa Russia nga nagpunting sa power grid panahon sa tingtugnaw.
