Nagpahigayon og Zero Hunger Malnutrition Event ang pipila ka mga civic group isip kabahin sa selebrasyon sa Nutrition Month sa Plaza Sugbo niadtong adlaw sa Dominggo, Hulyo 27, 2025.
Gipangulohan kini sa grupong The Pagtambayayong Foundation, Inc. kauban ang Regional Center of Expertise on Education for Sustainable Development (RCE) Cebu ug Cebu Multisectoral Network partners.
Nagtumong ang kalihokan sa pagpataas sa kahibalo sa publiko nga adunay ihap sa populasyon diin kadaghanan kay bata ang nakasinati og kagutom ug malnutrisyon.
Giawhag niini ang mga opisyales sa kagamhanan sa pag-prioritize sa pag-sulbad niini nga isyu atol sa ilang termino sa opisina.
Ingon man nga ang maong kalihokan kay mihatag sa pasidungog sa indibidwal nga anaa sa sektor sa food production and supply.
Anaa sa 20 ka mga multisectoral partners ang misalmot sa kalihokan diin ilang gipasundayag ang ilang mga produkto ug serbisyo sa ilang mga booths sama sa mga prutas, utanon, lamas, ug uban pa.
Mitunga sab sa kalihokan ang mga representate sa National Nutrition Council Region – Central Visayas ug sa Department of Social Welfare and Development Region 7.
