Gipahibalo sa Zimbabwe nga ilang kuhaon ang mga 50 ka mga elepante isip bahin sa ilang mga paningkamot aron makontrol ang nagkadako nga populasyon sa mga elepante.
Sumala sa Zimbabwe Parks and Wildlife Management Authority (ZimParks), ang karne gikan sa gipatay nga mga elepante iapod-apod sa lokal nga mga komunidad, samtang ang mga ivory tusks magpabilin nga kabtangan sa gobyerno.
Mahitabo ang pagkatay sa Save Valley Conservancy, usa ka dako nga pribadong game reserve sa habagatan-sidlakang bahin sa nasud, diin ang 2024 aerial survey nakatala og 2,550 ka elepante nga nagpuyo – ubos sa gibanabana nga ecological carrying capacity nga 800.
Bisan tuod ang conservancy nakabalhin na og 200 ka elepante sa laing dapit, ang mga opisyal nag-ingon nga wala nay igong puy-anan ug wala nay mga elepante, hinungdan nga napugos sila sa pagpahigayon og “elephant management exercise.”
Giinsistir sa ZimParks nga dili kini “culling,” tungod kay wala kini katuyoan nga wagtangon ang tibuuk nga populasyon sa elepante. Gidugang pa niini nga dul-an lang sa 50 ka mga elepante ang ilang kuhaon samtang gisusi niini ang mga epekto, gasto, ug proseso sa ilang proyekto.
