CEBU CITY — Miisyu og subpoena ang Office of the Provincial Prosecutor human miduso og libel complaint ang doktor sa Catholic-run nga tambalanan batok sa Chief of Anchor sa Bombo Radyo Cebu ug ang reklamante nga si Jo-ann Odulio-Alison.
Kabahin kini sa imbestigasyon mahitungod sa anomalosong diagnosis sa doktor nga si Jemela Ann Osario Sanchez gikan sa Perpetual Succour Hospital ngadto sa pasyenteng si Lorenzo Odulio, ang amahan sa reklamante, kinsang namatay isip COVID-19 probableb niadtung Agosto 5.
Subay sa gipadala nga subpoena, gihingusgan ni doktora Sanchez nga usa ka libelous statement ang gibutyag ni Jo-ann sa Zona Libre diin gisaysay niini nga bisan og nag-negatibo sa swab-testing ang amahan ni Jo-ann, anaa sa clinical assessment sa doktor kung i-diagnose kini sa COVID-19.
Gihimakak ni Sanchez ang pasangil ni Jo-ann kabahin sa kwestyonableng Philhealth claim sa amahan niini kung diin giingong gituyo sa doktor nga manipulahan ang resulta arun makakuha og kwarta gikan sa state insurer.
Dugang usab niini nga napakyas si Bombo Jun sa pag-verify sa gi-reklamo ni Jo-ann batok sa doktora sa dili pa kini mipagawas og komentaryo.
Mi-demand si Dra. Sanchez og P3-Million nga moral ug exemplary damages batok ni Bombo Jun gumikan sa mga libelous statement nga gipagawas niini sa kahanginan.
Sumala pa sa reklamong giluwatan ni Sanchez nga nakadaut sa reputasyon ug pangalan isip doktor ug nakamugna og emotional and psychological distress kaniya ug sa pamilya niini.
Samtang moduso ang habig sa mga hingtungdan og counter-affidavit arun tubagon ang alegasyon nga gibuhi sa doktora sa korte.
Gisuway mismo og kab-ot sa sibyaanan ang habig sa maong attending physician apan wala kini mitubag.
Mupasaka og kasong kriminal kalapasan sa Libel ubos sa Article 353 sa Revised Penal Code in relation to Section 4, (c) paragraph 4 of R.A. No. 10175 o Cybercrime Prevention Act of 2012 si Dr. Sanchez batok ni Bombo Jun Salde ug ni Jo-ann Odulio-Alison.
Kung mahinumdoman nga nipasaka og imbestigasyon sa nakalabay buwan ang National Bureau of Investigation (NBI-7) ngadto sa Office of the Ombudsman batok sa pipila ka mga opisyal sa Philhealth-7 ug pipila usab ka empleyado sa Perpetual Succour Hospital Inc. kabahin sa mga anomalosong claim sa reimbursment alang sa mga COVID-19 cases.
