CEBU CITY-Mokabat ngadto sa 1.3 milyones nga kantidad nga shabu ang nasakmit atol sa managlahing operasyon nga gipahigayon sa Philippine Drugs Enforcement Agency kun PDEA-7 sa may A.Lopez Barangay Labangon ug Alaska Mambaling Dakbayan sa Sugbo.
Giila ang subject nga si Jose Regan Abayan, 31 kinsang nalakip sa watchlist sa PDEA diin gipaubos usab og
2 ka semana nga surviellance.Lakip usab sa nasikop ang 4 pa nga mga kaubanan niini nga na-atlan nga paingon palit ug iligal nga drogas sa subject.
Matud ni Leah Albiar information officer sa PDEA nga si Abayan tigsuplyan og illegal nga drogas sa mga silingan barangay sa Barangay Mambaling.Nakuha sa operasyon ang 20 ka mga pakete nga shabu nga dunay gibug-aton nga 300 gramos ug mubalor sa 840,000 pesos.
Samtang laing unom usab ang nasikop didto mismo sa drugden sa dan A.Lopez Barangay Labangon. Subject sa maong operasyon ang giingong drug den maintainer nga si Mary Grace Cuizon ug ang lain pang 5.
Nasakmit atol sa maong operasyon mao ang 33 ka mga paketeng shabu nga adunay gibug-aton nga 180 gramos nga nagkantidad og 504,000 pesos.
Kasamtangan gitanggong na sa PDEA ang mga dinakpan ug nakatakda nga mag-atubang kini og kasong may kalapasan sa Republic Act 9165 of Art II kun pagpamaligya og iligal nga drogas.
