Mipagawas og showcause order ang Land Transportation Franchising Regulatory Board Regional Office-7 (LTFRB-7) sa usa ka taxi driver nga nag-overcharge sa plitihan sa usa ka Korean Pop Star sa dakbayan sa Lapu-Lapu.
Atol sa pakighinabi sa mga sakop sa tigbalita ni LTFRB-7 Regional Director Abosamen H. Matuan, iyang gikabutyag nga dili angay nga pasagdahan ang susamang mga modus sa mga drivers, gumikan kay makahatag kini og negatibong impresyon sa Transportation Industry sa Sugbo, hinungdan nga kinahanglang ma protektahan kini.
Busa, gibutyag ni Matuan nga gikinahanglan nagbutang sa buhatan og presidence aron makita sa mga draybers ug operators nga ang LTFRB seryoso kabahin sa pag-implementar sa mga terms and conditions sa matag franchise.
Kahinomdoman nga una nang nag-trending sa social media ang gi-post sa K-Pop Star sa dihang gipabayad siya og 1000 pesos sa iyang rota gikan sa airport paingon sa usa ka hotel, nga inay 300 pesos lang ang plitihan, apan naabot naman hinuon kini og 1000 pesos.
Apan sa dihang nakamatikud usab ang taxi driver nga nakasabot sa illegal nga gibuhat ang maong K-Pop Star, nagpasumangil kini nga 500 pesos nalang ang bayranan.
