Usa ka tawo ang namatay sa Bicol Region tungod sa Super Typhoon Uwan (international name: Fung-wong), matod sa Office of the Civil Defense (OCD) niadtong Domingo, Nobyembre 9.
Giila ang indibidwal nga namatay nga residente sa Viga, Catanduanes ug nakabsan sa kinabuhi tungod sa pagkalumos tungod sa kaylap nga pagbaha, apan ang OCD nag-ingon nga ang report kinahanglan pa nga i-verify.
Usa ka kinatibuk-an nga 1,179,086 ka mga tawo o 344,413 ka mga pamilya ang gipailalom na sa preemptive evacuation gikan sa mga rehiyon sa Cordillera, Ilocos, Cagayan Valley, Central Luzon, Calabarzon, Metro Manila, Bicol, Western Visayas, Central Visayas, ug Eastern Visayas.
Ang pinakadaghan kay gikan sa Bicol Region nga adunay 671,254 ka mga tawo o 196,462 ka mga pamilya, samtang ang Eastern Visayas adunay 259,145 ka mga tawo o 71,692 ka mga pamilya nga gibakwit.
Sa pagkakaron, nakaisa pa sa pipila ka mga lugar ang Tropical Cyclone Wind Signal No. 5 nga maoy pinakakusog sa kategorya sa bagyo.
