Click sa mga netizens ang mikatap nga video sa usa ka 100-anyos nga “Super Lola” tungod kay bisan sa iyang edad, game gihapon sa pag-excercise ug magselebrar na sa iyang ika-101 nga adlaw’ng natawhan karong Pebrero 28 ning tuiga.
Matud sa iyang apo nga si Aries De Los Reyes gikan sa Jalandoni Estate-Lapuz sa Iloilo City nga nakurat kini sa dihang nakita niya si Lola Estella nga nagse-stretching ug exercise sa ilang sala.
Dugang usab niini nga nihimo kini sa paglihok tungod kay giingong dili daw kini makatulog.
Daghang netizens ang nangutana unsa ang sekreto ni lola ug ang tubag sa uploader nga ang iyang maintenance mao ang energy drink sa buntag, oats sa hapon, ug pag-inom og beer kung adunay okasyon.
Nakaani kini og nagkandaiyang reaksyon, ingon man trending kini tungod sa kasiaw hilabi na ang mga manginginom nga nakadayeg ug miingon pa nga sakto rajud ang ilang desisyon nga makaayo sa lawas ang ilimnong makahubog.
