-- ADVERTISEMENT --
CEBU – Gimandoan ang tanang 11 ka police station commanders sa dakbayan sa Sugbo nga makig-alayon sa ilang tagsa-tagsa ka barangay ug mga opisyal sa tunghaan aron masiguro ang pag-abli sa face-to-face nga klase karong Agosto 22, 2022.
Kini ang gibutyag ni Police Lieutenant Colonel Maria Theresa Macatangay, information officer sa Cebu City Police Office, nga andam na ang ilang security plan alang sa pagsiguro nga dili mabiktima sa mga oportunistang kriminal ang mga tinun-an.
Dugang pa niya nga ang tibuok pwersa sa CCPO ipakatap nianang adlawa ug sa umaabot nga mga adlaw.
Ang deployment himuon dungan sa Task Force Kasaligan ug uban pang civilian volunteers.
