Milagda og 12 kabuok bag-ong Executive Orders si Cebu Governor Pamela “Pam” Baricuatro pipila ka oras human milingkod sa katungdanan sa Kapitolyo sa Sugbo kagahapong adlawa sa Lunes, Hunyo 30, 2025.
Ang maong mga Executive Orders kay nagtinguha sa direksyon sa iyang bag-ong administrasyon nga nakatutok sa natad sa panglawas, transparency sa buluhaton sa Kapitolyo ngadto sa publiko, youth development, ug participatory governance diin 12 ka bag-ong kamanduan kay mao ang:
1. Ang paspas nga pag-release sa pundo para sa Cebu Provincial Hospitals;
2. Pag-reconstitute sa Provincial Health Board;
- 3. Implementasyon sa freedom of information sa tanang buhatan sa Kapitolyo;
4. Pagmugna og bag-ong task force sa pagsulbad sa isyu kabahin sa 93-1 lots ug ubang pang gipanag-iyang luna sa probinsya;
5. Pagmugna sa Cebu People’s Action Center;
6. Operationalizing sa Cebu Provincial investment and promotions division;
7. Pag-reconstitute sa bids and awards committee;
8. Pagmugna og special review committee;
9. Pag-constitute sa Cebu Provincial Youth Commission;
10. Pag-reconstitute sa Cebu Provincial School Board;
11. Pag-constitute sa Kapitolyo isip center for participatory governance unit; ug
- Executive Order nga nagmando sa libreng paggamit sa mga Regular Public Comfort Room (CR) Facilities sa tanang Provincial Terminals sa lalawigan.
Saksi sa maong pagpirma ni Gov. Pam ang iyang mga sinaligan lakip nila Provincial Administrator Ace Durano, Vice-Governor Glenn Anthony Soco, iyang kaugalingong pamilya, ug uban pa.
Ang maong mga sugyot nga bag-ong kamanduan sa gobernadora kay tubag sa mga suliran sa lalawigan nga iyang gisaad niadtong panahon sa pangampanya.(Bombo Ken Apor)
