Gilunsad sa PhilHealth Regional Office-7 ang Guaranteed and Accessible Medications for Outpatient Treatment (GAMOT) nga programa (GAMOT PROGRAM), karong adlawa, Pebrero 17, ug gipahigayon sa Kapitolyo ning Dakbayan sa Sugbo.
Ang maong programa matoid pa, gidisenyo aron mahatagan ang mga miyembro ug ang ilang mga dependent hangtod sakada tuig og libre nga mga kinahanglanon nga tambal para sa mga pasyenteng miyembro niini.
Kahinomdoman nga adunay launching usab sa Yaman ng Kalusugan (YAKAP) Program, diin ubos niini mao ang GAMOT Program kinsa karon lang gilusad sa unang higayon.
Subay sa maong paglunsad sa programa, anaa usab ang presensya sa Department of Health (DOH), inubanan sa mga representante sa Provincial Hospitals sa Probinsya sa Sugbo.
Ingun man ang maong presensya sa maong buhatan og sa tambalanan sa Probinsya sa Sugbo, nagtumong aron masuta ug pagatun-an ang mga estratehiya kon unsa ang mga pamaagi aron husto nga ma-implementar kining bag-ohay lang gilunsad nga programa gikan sa Philippine Health Insurance.
Gitino nga kini nga mga programa naghatag og benepisyo niini, pamaagi sa libreng pagkonsulta ugaling adunay mga gihambin sa lawas, subay ra usab sa mga accredited hospitals niini ug malampusong nakaparehistro.
Gani, sa Sugbo, adunay kapin 50 ka mga tambalanan ang accredited sa PhilHealth, nga mamahimong pakonsultahan.
Samtang, kung ugaling humana na og parehistro sa YAKAP, mamahimo na nga mo avail sa GAMOT Program, diin aduna kini libre nga mga tambal nga ipang apod-apod sa mga benepisyaryo.
Subay sa opisyal nga paglunsad sa PhilHealth Region VII sa “Guaranteed and Accessible Medications for Outpatient Treatment” (GAMOT) Program sa Kapitolyo sa Sugbo, kini nagtumong sa pagpalambo sa access sa libre, essential, maintenance, ug outpatient nga mga tambal para sa mga benepisyaryo.
Ingun man nga kini nga inisyatibo naghatag hangtod sa P20,000 kada tuig matag pasyente para sa mga covered nga tambal.
Kini nga inisyatibo nagtumong sa pagpagaan sa gasto sa mga pagtambal para sa mga kondisyon sama sa diabetes, hypertension, ug mga impeksyon.
Subay niini, sa nahimong pakighinabi sa Bombo Radyo Cebu Newsteam kang Dina Cinchez ang Public Relations Officer sa PhilHealth-7, iyang gibutyag nga anaa ang mga pipila ka mga dagkong opisyales sa kaulohan sama sa DOH Secretary Dr. Teodoro “Ted” J. Herbosa, aron motambong sa maong mahinungdanong kalihokan nga naniguro sa pagpanghatag og serbisyo sa katawhan.
