Talisay City-Nadakpan sa City of Talisay Traffic Operations Development Authority (CTTODA) ang pipila ka mga modern PUJ nga nag-overloading kinsa miagi sa dili niya rota (out of line) human milikay sa operation sa Land Transportation Office (LTO).
Kini maoy gibutyag sa Hepe sa City of Talisay Traffic Operations Development Authority (CTTODA), nga si Jonathan Tumulak.
Gitino niini nga ang LTO mihimo ug operation sa N. Bacalso Avenue, Lawaan, hinungdan nga adunay 12 ka mga PUJ ang nadakpan ug laing duha ka mga Modern nga PUJ.
Dugang ni Tumulak nga gidala sa opisina hasta ang mga pasahero.
Hinungdan nga gihatud sa CT-TODA paingon sa highway ang mga pasahero aron maka sakay ug laing de pasaheroan ug gipauli ang plite sa mga pasahero.
Nasayran nga adunay multa nga P500-1,000 ang mga drayber nga nadakpan ug gikinahanglan n;ang bayaran ang tanang pending nila nga violation.
