Gidunggab-patay ang usa ka 13 anyos nga Grade 9 student sa iyang 14 anyos nga klasmeyt sulod sa Las Piñas National High School sa Barangay Daniel Fajardo, Las Piñas City niadtong Biyernes sa hapon, Hulyo 31, 2026.
Sumala sa report gikan sa Southern Police District (SPD) ug sa pamahayag ni Las Piñas acting police chief Fermin Armendarez III, ang insidente nahitabo atubangan sa usa ka classroom sa ikaupat nga andana sa nahisgutang eskwelahan.
Dugang pa, nagkalisay king biktima ug suspetsado atoll sa recess, dayun kalit nga mibunot og kutsilyo ang suspek ug gidunggab ang biktima sa wala nga bahin sa iyang dughan.
Ang biktima, nga nailhan sa inisyal nga “A.D.O.,” gidala dayon sa Las Piñas District Hospital apan gideklarar nga patay alas 4:53 sa hapon sa doktor nga nag-eksamin.
Ang suspek, nga nailhan sa inisyal nga “M.J.E.” giisip nga usa ka Child in Conflict with the Law (CICL), diin usa kini ka menor de edad nga suspek, hinungdan nga itugyan kini ngadto sa city social welfare office (CSWD) subay sa mga balaodnon alang sa mga batan-on.
Sa karon, padayon ang imbestigasyon sa kapulisan alang sa mas lawom nga motibo sa trahedya.
