CEBU – Gi-raid sa mga sakop sa enforcement division sa Social Security System (SSS) ang 13 ka mga kompanya sa dakbayan sa Mandaue.
Gipadayag ni Helen Solito, ang Senior Vice President sa SSS Visayas Operations Group, nga nagpagawas sila ug show cause order alang sa mga nahisgutang kompanya arun kini nga mahatagan ug 15 kaadlaw nga ma-settle ang ilahang kontribusyon sa ahensya.
Matud ni Solito nga nakalapas ang mga nahisgutang kompanya sa Republic Act No. 11199 o ang Social Security System Act of 2018 human kini nga wala maka-remit sa SSS contribution sa ilahang mga empleyado hinungdan nga ilaha kining gipadalhan ug demand letter apan giingung wala sa gihapun kini matagad hayan gipahigayun na sa SSS ang operasyon.
Nasayran nga nalakip sa 13 ka mga kompanya nga gi-raid mao ang mga motor shop, food chain, general merchandise ug photo shop.
Gisiguru ni Solito nga dili lang sa dakbayan sa Mandaue nila ipahigayun ang operasyon inay lakip na usab sa mga silingan nga dakbayan nga ilaha na usab karung gi-monitor.
