LEBANON-Gikataho sa Department of Migrant Workers anaa sa 15 ka mga Filipino ang moabot gikan sa Lebanon karong Oktubre 3, ang latest batch nga naka-avail sa repatriation.
Matud ni DMW Undersecretary Fely Bay nga ang mga repatriates orihinal nga gikatakdang mobalik niadtong Setyembre 26 apan wala mahinayon tungod sa pagsuspenso sa mga biyahe.
Gipaambit usab ni Bay nga labing menos 1,100 ka mga Pilipino ang nagpalista alang sa boluntaryong pagpauli human nga gipaubos sa Alert Level 3 ang Lebanon tungod sa nagkagrabeng panagbangi tali sa militanteng grupo sa Hezbollah ug Israel.
Gikan sa Oktubre 2023 hangtod Setiyembre 19 ning tuiga, niabot na sa 430 ka mga Filipino ang nakauli na, residente ug trabahante.
Giawhag ni Bay ang mga Pilipino nga tumanon ang panawagan sa gobyerno nga unahon ang kaluwasan.
Subay niini, ang mga naunang makauli kay makadawat og cash assistance nga P75,000 matag usa gikan sa DMW ug sa Overseas Workers Welfare Administration arun gamiton nila sa pagsugod sama sa pagtukod og negosyo.
