16 patay sa sunog sa pabrika sa tela sa Bangladesh

Moabot sa 16 ka mga tawo ang namatay human miulbo ang sunog sa usa ka pabrika sa panapton sa Bangladesh.

Ang mga lawas nga nadiskubrehan ipaubos sa DNA testing tungod kay halos dili na mailhan gumikan sa pagkasunog.

Nagtapok ang mga kabanay sa mga biktima atubangan sa nasunog nga upat ka andana nga building sa lungsod sa Mirpur sa rehiyon sa Dhaka.

Nilanat og kapin sa tulo ka oras usa hingpit nga napalong sa kabomberohan ang kalayo nga nakaapekto usab sa duol sa chemical warehouse.

Nagpadayon ang imbestigasyon sa mga otoridad sa maong insidente.