Giasoy ni Dr. Rene Josef Bullecer, Vice President sa Council of Liality-Archdiocese of Cebu, ang kamahinungdanon sa Miyerkules Santo sa matag usa ka kristiyano katoliko, diin siya mibutyag nga kaniadtong unang nahitabo ang Miyerkules Santo, sa panahon sa Ginoo, tuig 33, walay nahitabo sa tibuok kabuntagon apan sa ulahing bahin sa adlaw, si Judas miadto sa mga kadagkoan sa mga Hudyo.
Dugang ni Bullecer, sa maong pag-adto ni Judas, nipadagayday kini sa iyang gibati nga pwede itugyan ang iyang giila isip magtutudlo, ug kutloon ang kinabuhi sa bugtong magtutudlo, apan gipangutana niini kung pila ang bayad.
Apan sa wala damha, ang kantidad nga gitanyag dili ingun ana kadagko, hinungdan nga gisalikway kini ni Judas ug mibiya sa maong dapit.
Mao kini ang estorya nga gipaambit ni Bullecer atol sa eksklusibong pakighinabi sa Bombo Radyo Cebu newsteam kaniya, pagkagabii sa susamang adlaw kaniadto, nanihapon na ang 12 ka mga apostoles, mibutyag ang Ginoo nga aduna siyay’y namat-an nga magbudhi kaniya.
Dugang pa ni Bullecer, sa higayon nga mibutyag ang Ginoo kabahin sa pagbudhi, nangutana ang pipila nga si kinsa ang gitumbok niini, ug miingon ang Ginoo nga ang apostoles nga mibudhi niya mao ang nagtuslod sa iyang tudlo sa panagsang—dayun miklaro si Judas kung siya ba ang gitumbok ug gipasabot sa Ginoo, busa misanong ang Ginoo sa pangutana ni Judas.
Busa, gikutlo ni Bullecer nga mao kini ang nahitabo niadtong unang Miyerkules Santo, nga nanihapon ang 12 ka apostoles, ug gilayag na ni Judas ang kadagkoan sa mga Hudyo ang mga pamaagi kung unsaon nila pagsikop ang magtutdlo, unsang orasa ug asang dapita.
Sa katapusan, gitino ni Bullecer ang kamahinungdanon ug mensahe karong adlawa nga gikinahanglang maningkamot ang matag usa ilabi na sa hisgutanan sa pagtoo, nga maningkamot nga dili mamahimong traydor sa kaugalingong pagtuo ug isip usa ka kristiyano.
