MINGLANILLA CITY, CEBU-Walay na’y kinabuhi nga nakit-an ang 17-anyos nga usa sa mga propsman sa Sinulog 2025 sulod sa cr sa ilang panimalay sa Purok Tugas, Brgy. Lipata-Linao, lungsod sa Minglanilla niadtong Enero 13, 2025.
Matud sa pamilya sa biktima nga sa wala pa nakit-an ang iyang lawas nga adunay higot sa iyang leog kay nisaka kini sa iyang higdaanan ug adunay gikuha.
Wala usab damha sa igsuon niini nga iyang kaluha nga pisi na diay ang gikuha tungod kay gitaguan sa biktima ug daling milahos sa ilang cr.
Ang nakakita sa lawas sa 17-anyos mao ang iyang igsuon nga maguwang diin mogamit kini sa cr niadtong higayona apan, naka-lock ug walay motubag sa iyang mga sampit kung aduna ba’y tawo.
Ug sa dihang gisusi niini sa maguwang kay adunay nakit-an nga higot sa ibabaw ug daling nisinggit og tabang, ingon man nga dali usab siya nga nakakat-kat apan wala na’y panimuot ang iyang igsuon.
Gisuwayan pa og dala sa tambalanan ang biktima apan, subong palandungon nga nakabsan gayud kini sa iyang kinabuhi.
Subay niini, gikatahong ilubong ang menor de edad sa iyang katapusang kapahulayan sa sunod Dominggo, Enero 26 ning tuiga.
