MANDAUE CITY,CEBU-Gipahigayon sa dakbayan sa Mandaue ang 17th World Eskrima Kali Arnis Federation (WEKAF) sa Mandaue City Sports and Cultural Complex, kagahapong adlawa, Hulyo 25, 2024.
Kini nga internasyonal nga kalihukan sa paugnat sa kusog kay gisalmotan sa mga manunuwa sa nagkalain-laing nasud sama nalang sa Australia, Germany, India, Thailand, Türkiye, Netherlands, United Kingdom, Estados Unidos, ug Pilipinas.
Nagpasalamat usab si Mandaue City Mayor Jonas Cortes sa tagdumala sa World Eskrima Kali Arnis Federation sa pagpili sa iyang dakbyana isip host sa internasyonal nga kalihukan.
Gawas sa mga opisyales sa maong dakbayan, giduyugan usab ang maong kalihukan ni Senador Juan Miguel “Migz” Zubiri isip Grandmaster ug Presidente sa Philippine Eskrima Kali Arnis Federation.
Ang WEKAF competition kay usa ka Filipino Martial Arts competition apil niini ang nagkalain-lain nga kategorya nga sama sa Arnis, Eskrima ug Kali.
Matapos ang mao kalihukan sa umaabot nga Hulyo 27.
