MANDAUE CITY,CEBU- Mimando sa paglusad og imbestigasyon sa City Legal Office si Mandaue City Mayor Thadeo “Jonkie” Ouano kabahin sa akegasyon pagpasagad sa nahitabo kang Mary Christ Cuizon atol sa financial assistance pay-out niini kaniadtong Marso 11 sa Barangay Opao Gym sa susamang dakbayan.
Kini ang hustong mahibaw-an ni Mayor Ouano kung aduna bay kamatuoran ang istoryang langan ang pagresponde sa mga first responders sa syudad hinungdan sa kamatayon sa 31-anyos nga biktima.
Sa inisyal nga pakigsubay niini sa CCTV footages kay nagpakita nga dili tinuod ang 30-minutos usa niresponde ang mga first responders sa dihang nakuyapan kini niadtong higayona. Gani natabangan dayon ang biktima sa tabang na sab sa usa ka concerned citizen nga diay adunay kaalan isip emergency responder ug sadyang nalangan lang ang ambulansya tungod sa kahuot sa trapiko sa dalan padulong sa gym.
Pangulohan ni City Legal Officer Atty. Erwin Rommel Heyrosa ang Dagan sa imbestigasyon aron masuta kun kinsa sa ilang mga sakop ang adunay pagkuwang sa ilang tahas.
Kahinumduman nga niadtong adlawa kay ang City Social Welfare Services Office sa hangyo sa Department of Social Welfare and Development (DSWD) kay naglusad sa payout alang sa pinansyal nga hinabang sa mga biktima sa nakalabayng Bagyong Tino diin nagtapun-og ang mga benepisyaryo gikan sa tulo ka barangay ngadto sa Opao Gym diin didtong higayona si Mary Christ nakuyapan tungod sa gipamati sa lawas nga wala dayon mahatagan og paspas nga atensyon medikal.
