-- ADVERTISEMENT --
CEBU – Sikop ang usa ka 18 anyos nga lalaki sa gihimong pagpangronda sa mga sakop sa Drug Enforcement Unit (DEU) sa Talisay City Police Station pasado alas 3 sa kadlawon sa Sabado, Marso 26, 2022.
Giila ang dinakpan nga si Davisrise Espinosa, taga Nazareth, Barangay Buhisan, siyudad sa Sugbo.
Naposasan si Espinosa atol sa buy-bust operation sa DEU nga gipangulohan ni Police Lieutenant Elwood Ebona sa Vista Grande, Barangay Bulacao, dakbayan sa Talisay.
Nakuha gikan sa suspetsado ang 150 gramos nga shabu nga mobalor og P1 milyon subay sa street drug price.
Kasong kalapasan sa RA9165 ang atubangon sa suspek nga kasamtangang gibalhog sa mabugnaw nga selda.
-- ADVERTISEMENT --
