Padayong nidagsa ang mga pasahero sa Cebu North Bus Terminal sa kasamtangan, apan mas minus na kini dagsa niadtong milabayng Semana Santa.
Personal nga gisusi sa Bombo Radyo Cebu newsteam ang mga terminal ug pier sa Sugbo, aron masuta ang kasamtangang sitwasyon sa maong mga dapit, ilabi na nga liwas na sa Semana Santa.
Subay niini, eksklusibong nahinabi sa team si Kenn Andrea Galdo, estiyudante nga gagikan sa Probinsya sa Bohol.
Gibutyag ni Galdo nga gagikan pa sila sa Tagbilaran, Bohol ug miabot sa Sugbo alang sa educational tour, busa naghinam-hinam na kini sa pagbisita sa mga lugar nga posible nilang bisitahon ilabi na nga mao usab kini ang unang higayon nga mibisita siya sa Sugbo.
Sa pikas nga bahin, nahinabi usab sa Bombo Radyo Cebu newsteam si Moises Santillan, usa sa mga pasahero sa CNBT, kinsa gagikan pa kini sa kaulohan ug mibisita sa Sugbo subay sa tumong sa pipila ka mga kalihokan, ug iyang gipamahayag nga hapsay ra ang nahimong pagbyahe niya paingun diri sa Sugbo.
