Posibleng mag-atubang og bag-ong kaso ang 18 ka giingong kanhing Marines ug “bagmen” nga mitestigo sa Senate Blue Ribbon Committee hearing sa kampo ni Senador Alan Peter Cayetano human nila gilambigit ang pipila ka taas nga opisyal sa giingong korapsyon sa mga flood control projects.
Matud nila ni Senador Vicente Sotto III ug Erwin Tulfo nga mopasaka sila og mga kasong libel ug cyberlibel batok sa mga saksi, tungod sa giingong bakak nga mga pasangil ug dili makanunayon nga mga detalye sa ilang testimonya.
Sumala ni Senador Panfilo Lacson, ang mga senador nga nagpahigayon sa maong hearing mahimo usab nga manubag ubos sa cyberlibel ug Article 177 sa Revised Penal Code tungod sa giingong pagpahigayon sa maong hearing sa komite nga walay legal nga awtoridad.
Diin si Batangas Representative Gerville Luistro, Iloilo City Representative Julienne Baronda, ug kanhing Senador Antonio Trillanes kaniadto nagsang-at og mga reklamo, samtang sila Rep. Leila de Lima, Zia Alonto Adiong, ug kanhing mga miyembro sa Makabayan bloc mao ang giingong mga naghimo niini.
Samtang, ang Philippine Navy miingon nga upat sa 18 ka mga indibidwal ang dili gayud miyembro sa Philippine Marine Corps, samtang ang uban gi-discharge nga adunay dishonorable status.
