Gikumpirmar sa mga opisyal sa Ukraine nga usa ka dako nga pag-atake sa missile ug drone ang miigo sa Kyiv ug ubang bahin sa nasud gabii, nga nakapatay sa 18 ka mga tawo, lakip ang upat ka mga bata, ug 48 ang nasamdan.
Sumala sa Kyiv City Military Administration, 31 ka missiles ug 598 drones ang gilunsad sa Russia ug kadaghanan kanila na-intercept sa Ukraine – 563 ka mga drone ug 26 ka mga missile.
Gipaambit ni Mayor Vitali Klitschko nga daghang kadaot ang nahiaguman sa maong pag-atake sa mga building, eskuylahan, ug imprastraktura sa lima ka distrito sa Kyiv.
Gitawag ni Ukrainian President Volodymyr Zelenskyy ang pag-atake nga tubag sa Russia sa mga panawagan sa kalibutan alang sa ceasefire ug diplomasya.
Dugang pa niini nga gipili sa Russia ang kapintasan kay sa negosasyon, ug gipasiugda ang panginahanglan alang sa mas higpit nga internasyonal nga mga silot batok sa Moscow.
Ang building sa misyon sa European Union sa Kyiv nadaot usab, sumala sa Foreign Minister sa Ukraine.
Wala’y gikataho nga nasamdan sa bilding, apan gikondenar kini sa mga lider sa EU ingon usa ka tinuyo nga pag-atake sa Russia.
Ang mga lider sa Europe miinsistir nga ang suporta sa EU alang sa Ukraine dili matarug.
