Gitanggong ang kinatibuk-an nga 187 ka mga Chinese national tungod sa giingong paglapas sa immigration law ug POGO gambling hubs ang gipa-deport.
Gi-eskort sa mga awtoridad ang maong mga Chinese nationals gikan sa detention facility sa Presidential Anti-Organized Crime Commission (PAOCC) paingon sa Ninoy Aquino International Airport (NAIA) Terminal 1 sakay sa udto nga biyahe paingon sa Shanghai.
Kining maong lakang kabahin gihapon sa pagtuman sa mando ni Presidente Ferdinand Marcos Jr. sa wala pa ang Enero 1, 2025 nga deadline alang sa hingpit nga paghunong sa operasyon sa tanang POGO sa nasud.
Ang mga dinakpan gikan sa sunodsunod nga pagpangronda nga gihimo sa mga otoridad sayo ning tuiga sa dakbayan sa Lapu-Lapu, dakbayan sa Pasay, Tarlac ug Pampanga.
Samtang, plano nga i-deport ang ikaduhang batch sa mga langyaw sunod semana.
