19 ka tawo patay, human mahulog ang usa ka bus sa bung-aw sa Nepal

Patay ang 19 ka indibidwal human nahulog ang usa ka passenger bus sa usa ka bung-aw sa Nepal.

Base sa inisyal nga imbestigasyon sa mga awtoridad, nanukad ang bus gikan sa Pokhara paingon sa Kathmandu sa dihang nawad-an og kontrol ang drayber niini ug nahulog sa 200 metros nga giladmon nga pang-pang.

Nahitabo ang insidente duol sa tampi sa suba sa Trishuli sa Dhading District.

Adunay 44 ka tawo nga sakay sa bus lakip ang drayber, diin 25 ang nasamdan.

Usa ka 24-anyos nga turistang Briton ang lakip sa mga namatay.

Padayon pa usab nga giimbestigahan sa mga awtoridad ang insidente.