Mamahimong duha ngadto sa tulo ka bagyo ang mosulod sa Philippine Area of Responsibility (PAR) sa buwan sa Oktubre.
Kini basi sa forecast sa weather bureau sa Department of Science and Technology (DOST).
Ang maong mga bagyo nagdala og kusog nga pag-ulan ug kusog nga hangin nga posibling hinungdan sa pagbaha ug pagdahili sa yuta.
Samtang, upat ngadto sa pito ka bagyo ang nga mosulod sa teritoryo sa Pilipinas sa dili pa matapos ang 2024.
Gawas sa 2 ngadto sa tulo ka bagyo nga gibanabanang mosulod sa sunod buwan, usa ngadto sa duha ka bagyo ang mahimong mosulod sa nasod sa buwan sa Nobyembre ug usa ngadto sa duha ka bagyo sa buwan sa Disyembre.
Sa pagkakaron, siyam na ka bagyo ang nisulod sa PAR, diin ang pinakaulahi mao ang bagyong Igme nga miagi sa halayong amihanang bahin sa Pilipinas ug nagpabilin lang sa PAR sulod sa pipila ka oras.
