CEBU CITY- Mobuhat karon og lakang ang Cebu City Government nga nag tumong sapag-abag ug tabang sa mga mag-uuma sa Dakbayan sa Sugbo, kini human nagsagubang kini sa grabing pagtibugsok sa presyo sa ilahang mga pananom.
Gani, didto sa bukirang bahin ning Dakbayan sa Sugbo, partikular na sa Barangay Paril, diin nangalata na ang ilahang mga baligyaong otanon, sama sa paliya, talong, kalbasa, siling spada ug uban pa.
Gawas niini, aduna pay barangay usab sa Dakbayan sa Sugbo nga tumang na apikihan usab sa pagpamaligya sa ilahang mga produkto, gumikan kay mas dako pa ang ilahang mga na gasto sa mga ekipo ug panuhol atol sa harvesting, kaysa sa kantidad sa halin niini.
Hinungdan nga ilahan nalang kining hiringgaan og pangpatay ang ilahang pananom, tungod sa kadakong lugi niini.
Apan, natino nga dili lang ang mag-uuma sa mga bukirang bahin sa Sugbo dili lang ang apektado sa nagtibugsok nga presyo sa mga palaliton, gumikan kay apektado usab ang mga manindahay sa Carbon Public Market.
Diin, anaa nalang nagtuyok sa minus gatos ang presyo sa mga otanon sama sa okra, talong, ug uban pa.
Subay niini, nadungog sa pangu sa Dakbayan sa Sugbo ang mga yangungo sa mga mag-uuma ug manindahay sa publikong merkado, diin nasuta nga usa usab sa nagdugang sa kabug-aton sa ilahang gipas-an karon mao ang bug-at nga saka sa presyo sa produktong petrolyo.
Nasuta usab sa mayor sa mga nidangop kaniya nga tinuod gayud nga ang presyo sa ilahang mga baligyaon dili na makatarunganon tungod sa ka ubos niini.
Busa, gitataw ni Archival ang pagpahamtang og lakang nga adunay kasiguradohan nga maka alibyo sa sitwasyon sa mga nagyangungo.
Diin, posible nga madunolon kini og “cash assistance” diin sutaon usab kung asa kini nahimutang ang mga apektadong mag-uuma.
Ikaduha nga solusyon nga napanglatawan sa mayor mao ang pag mobilize sa mga vehicles nga nagtumong sa pag-amuma sa mga produkto gikan sa bukid pa ingun na sa syudad ug diretso na sa ilahang bagsakanan, diin makigalayon kini sa matag barangay susama kaniadto.
