-- ADVERTISEMENT --
Gipahibalo sa Guinness World Records niadtong Enero 28 nga si Jude Owens, usa ka dos anyos nga batang lalaki gikan sa England, gihatagan og duha ka bag-ong rekord sa snooker sa Manchester niadtong 2025.
Sa edad nga 2-anyos ug 302 ka adlaw, siya ang pinakabata nga batang lalaki nga nakahimo og pool bank shot ug ang pinakabata nga batang lalaki nga nakahimo og snooker double pot.
Sumala sa iyang amahan nga si Luke Owens, natural ang talento sa anak sa snooker ug diha-diha dayon siyang nahigugma niini sukad pa sa iyang pagkabata.
Gihulagway sa editor-in-chief sa Guinness World Records nga si Craig Glenday ang kalampusan ni Jude nga “talagsaon nga espesyal” ug gipasiugda nga ang rekord kay abli sa tanan, bisan unsa pa ang edad.
