CEBU CITY-Sikop ang duha ka lalaki sa buy-bust operations sa mga kapulisan sa Inayawan Police Station sa gitoohang posesyon sa ginadiling drugas.
Gipahigayon ang maong operasyon pasado alas 7:45 sa kabuntagon kagahapong adlawa, Martes Hunyo 18, 2024 didto sa Sitio Bamboo, Brgy Basak Pardo ning dakbayan sa Sugbo.
Mukabat sa kapin Php1.4-milyones ang balor sa gitoohang shabu nga nasakmit sa mga awtoridad sa gipahigayong nga buy-bust operation.
Nailhang ang mga suspetsado nga sila alyas “MELO”, 53-anyos ug sa laing kauban nga wala hinangli nga anaa sa 34-anyos ang panuigon nga parehong lumulupyo sa Brgy. Quiot ning samang dakbayan.
Nakuha gikan sa mga suspek ang nagkadaiyang pakete sa gitoohang shabu nga mukabat kapin sa P1,428,000.00 nga adunay 210 gramos ang timbang.
Nakuha usab gikan sa possession kang alyas “MELO” ang buy-bust money ug usa ka kolor itom ug puti nga belt bag nga maoy sudlanan sa ginadiling droga.
Kasamtangang nakatanggong sa kustodiya sa Inayawan Police Station ang duha ka suspek og mag atubang kini sa kalapasan sa RA 9165 o mas giila sa Comprehensive Dangerous Drugs Act of 2002.
