Gipangunahan ni Cebu City Mayor Nestor Archival ang ceremonial contract signing alang sa 24/7 Government Office nga “Mayor of the Night” karong Marso 2, 2026, didto sa Mayor’s Office.
Ang maong programa giisip nga usa ka dako nga lakang aron mas mapaduol ang serbisyo sa gobyerno ngadto sa mga katawhan, ilabi na sa mga night-shift workers ug sa sektor sa BPO nga nagtrabaho panahon sa kagabhion.
Pinaagi sa lig-on nga pakig-alayon sa private sector ug national government agencies, mas mapalig-on ang pag-access sa mga serbisyo sama sa permits, clearances, ug uban pang mga transaksyon sa gobyerno bisan lapas na sa regular nga office hours.
Nagpadayag usab og pasalamat si Mayor Archival ngadto kang Vice Mayor Tomas Osmeña, sa Eklektos Estates, sa Cebu City Police Office, DOLE, ug sa tanang mga BPO leaders nga nisuporta niini nga inisyatibo.
Sumala sa Mayor, padayon ang dakbayan sa pag-innovate sa pagdumala diin ang serbisyo dili lang kutob sa alas singko sa hapon kondili magtrabaho ang siyudad og 24/7 alang sa katawhan.
