Duha ka mga lalaki ang nasikop sa kapulisan atol sa usa ka hiniusang operasyon sa hot pursuit operation may kalabotan sa usa ka insidente sa pagpamusil sa Sitio Tayud, Barangay Basak Pardo, Siyudad sa Sugbo, niadtong Miyerkules, Nobyembre 11.
Giila ang mga suspek nga sila si alyas “Ritchie,” 24-anyos, ug alyas “Kobe,” 26-anyos.
Matod sa awturidad, nga nakuhaan ang duha ka mga suspek og mga armas ug bala atol sa maong operasyon.
Gipahigayon ang operasyon sa hiniusang pwersa gikan sa Inayawan Police Station 7, Cebu City Mobile Force Company (CMFC), City Investigation and Detection Unit (CIDU), ug Tactical Motorcycle Riding Unit (TMRU).
Matud sa usa sa mga residente nga si Risa Cadcad, nga nabulabog ang halos mga residente doul sa nahitaboan gumikan sa nadungog nga 2 kahigayon sa pagbuto hinungdan nga dali silang temporaryong mipalayo sa lugar.
Sa pagka karon, nagpadayon pa ang imbestigasyon sa kapulisan aron masuta kon duna bay kalabotan ang duha ka dinakpan sa nahitabong pagpamusil, ug aron matino ang tagsa-tagsa nila ka papel sa maong kaso.
