CEBU – Midangup sa PNP Crime Laboratory 7 ang usa ka inahan arun sa pagsuta kung usa ba ang iyahang anak nga nakaplagang sunog nga patayng lawas sa Barangay Putat, lungsod sa Tuburan.
Si Millete Baricar, ang mi-identify sa usa ka patayng lawas nga iyahang anak nga si Nikor Baricar, 34 anyus.
Gibutyag ni Millete nga lima kaadlaw na nga wala na maka-uli ang iyahang anak.
Matud pa nga tima-ilhan sa iyahang anak mao ang singsing nga adunay ngalan sa kapuyu niini.
Nasayran nga ang usa sa mga patayng lawas ang adunay singsing nga giingung adunay ngalan nga ‘Chardee’.
Giangkun sa inahan nga naprisu na kaniadtu si Niko gumikan sa kasong murder.
Sa pagkakarun, nagpaabut usab ang maong inahan nga makuha-an kini ug DNA sample arun nga masuta kung iyaha ba gayud kining anak ang usa sa duha ka mga patayng lawas.
Samtang usa ka nagpa-ilang igsu-un usab ang mi-identify sa usa ka patayng lawas nga si John Paul Galo.
Giila kini pinaagi sa gisul-ub niini nga shorts ug brief.
