CEBU CITY-Padayon pa nga giila karon sa mga pulis ang duha ka patayng lawas nga gisunog ug nakaplagan sa bakanteng luna sa may Barangay Putat, lungsod sa Tuburan probinsya sa Sugbo.
Matud ni Police Lt. Col. Ismael Gawna ang hepe sa Tuburan Police station nga naglisod sila sa pag-ila sa naasoy nga mga patay tungod kay grabe ang pagkapaig niini.
Hinungdan nga gikuhaan kini nila og DNA sample para mahimong dali ang pag-ila sa pagkatawo sa mga biktima
Una niini, nakadawat og report ang Tuburan PS gikan sa usa ka concern citizen kalabot niini kung diin dali usab dayon nga girespondehan sa mga pulis.
Gisusi pa usab nila karon sa lugar ug sa kasikbit nga lungsod kung duna bay nareport nga na-missing.
Nanawagan usab karon si Gawna sa mga pamilya nga nawad-an ug ilang sakop nga mudangop sa ilang estasyon para susihon ang mga patayng lawas. (FDP/SBR)
