Gitukod ang usa ka inter-agency framework aron mapanalipdan ang mga travelers ug turista atol sa ika-48 nga ASEAN Summit sa Cebu ang magpabilin bisan paman natuldokan na ang internasyonal nga panagtapok, diin ang mga opisyal nagkanayon nga ang mga protocol ug partnership nga gihimo alang sa summit magsilbi nga usa ka long-term model alang sa seguridad sa turismo sa rehiyon.
Ang framework, nga gipormal pinaagi sa usa ka memorandum of understanding (MOU), naglangkob sa koordinado nga mga tubag sa cybercrime ug mga scam nga may kalabutan sa turista.
Diin ang mga ahensya nga mipirma naglakip sa National Bureau of Investigation (NBI), ang Philippine National Police (PNP), ang Department of Tourism (DOT), ang Department of Information and Communications Technology (DICT), ug ang Cybercrime Investigation and Coordinating Center (CICC).
Si Police Col. Kimberly Molitas, tigpamaba sa Police Regional Office 7 (PRO-7) ASEAN, miingon nga ang inter-agency agreement nagtukod og klaro nga kadena sa aksyon alang sa gitaho nga cybercrime o mga scam nga may kalabutan sa turista, nga mopuli sa nagkatibulaag nga mga tubag sa lain-laing mga ahensya.
Gidugang niya nga ang mga kabalaka sa seguridad nga gitubag sa framework dili bag-o ug na-flag na sa wala pa ang summit, ug giklaro niini nga dili lang tungod sa ASEAN, apan kini gipataas na bisan kaniadto tungod sa daghang mga insidente nga natala sa DICT.
Ang panguna nga hulga nga giila sa mga awtoridad mao ang digital, mga peke nga panid sa social media ug mga online platform nga nagpakaaron-ingnon nga lehitimong hotel, tour operator, ug mga serbisyo sa transportasyon, nga nagtumong sa mga langyaw nga bisita ug mga domestic nga biyahero.
Hinungdan nga mibutyag siya nga ang mga peke nga kalihokan kasagarang gihimo pinaagi sa mga panid sa Facebook, ug giawhag ang publiko nga i-verify ang mga account sa mga awtoridad sa dili pa mag-transaksyon online.
Samtang si DOT-7 Regional Director Gelena Asis-Dimpas miingon nga ang kaamgohan sa publiko usa ka key component of the framework, nga adunay mga materyales sa impormasyon ug mga giya sa video nga gihimo na aron matabangan ang mga magpapanaw nga mapanalipdan ang ilang kaugalingon gikan sa mga online scam.
Diin, gikabutyag usab niya nga makatabang gyud kung masiguro nga kini makaabot sa mga travelers ingon man sa mga destinasyon nga host.
