Pormal nang pasakahan og kasong qualified human trafficking sa National Bureau of Investigation (NBI) si Batangas 1st District Representative Leandro Leviste kauban ang pipila pa ka mga indibidwal.
Kini basi sa mando ug giklaro mismo ni NBI Director Atty. Melvin Matibag ang maong lakang gahapong adlawa.
Sumala sa NBI, ang reklamo nga gisang-at may kalabotan sa giingong kalambigitan sa magbabalaod sa gitawag nga “honeytrap plot” nga nagtumong sa pagbiktima ug pagdaot kang Executive Secretary Ralph Recto.
Isumite sa NBI ang pormal nga reklamo ngadto sa National Prosecution Service sa Department of Justice (DOJ) aron sugdan ang paunang pagsusi ug imbestigasyon sa maong kaso.
Ang qualified human trafficking giisip nga usa ka seryosong krimen sa ilalim sa balaod sa Pilipinas ug walay girekomendar nga pyansa para niini sa higayon nga mapamatud-an sa hukmanan.
Sa pagkakaron, wala pa’y gipagawas nga opisyal nga pamahayag ang kampo ni Rep. Leviste bahin sa nahisgutang mga kaso nga ipasaka batok kaniya.
