Duha ka tawo ang gikataho nga patay samtang kapin sa 20 ang naangol human ang Mexican Naval Ship nabangga sa Brooklyn Bridge niadtong Sabado sa gabii sa New York.
Sumala sa US Coast Guard, nga gawas sa natala nga 2 ang patay kay 21 ka mga tawo ang nasamdan ug gidala dayon sa gagmay nga mga sakayan paingon sa baybayon sa wala pa gidala sa ospital.
Gikanayon usab sa mayor, nawad-an og kontrol ang barko nga nagdala og 277 ka mga tawo tungod sa mechanical error samtang nibiya sa Pier 17 ug paingon sa Iceland.
Giila ang barko nga ARM Cuauhtémoc, usa ka barko sa pagbansay sa Mexican Navy. Duha ka mga tripulante niini ang naangol sa bangga.
Walay nahulog sa dagat, apan gihimo dayon ang inspeksyon sa taytayan.
Matod ni Department of Transportation Commissioner Ydanis Rodriguez, walay nakitang grabeng kadaot sa Brooklyn Bridge. Bisan pa, ang mga operasyon sa East River temporaryo nga gisirhan, ug usa ka “safety zone” ang gitukod tali sa Brooklyn ug sa Manhattan Bridge.
Samtang, ang imbestigasyon sa NYPD nagpadayon ug ang National Transportation Safety Board (NTSB) gilauman usab nga mohimo og buwag nga imbestigasyon.
Sa pagkakaron, gitambagan usa ang publiko nga likayan ang dapit duol sa taytayan.
