CEBU CITY — Patay ang duha ka subject sa drug operation sa Sitio Tabay, Barangay Cansojong, dakbayan sa Talisay.
Giila ang mga namatay nga sila si George Malinao ug Dixon Pacaldo, pulus hingkud ang panuigon ug lumulupyo sa nahisgutang dapit.
Gisaysay ni Police Captain Nazareno Emia, ang deputy chief sa Talisay Police Station, nga nakig-coordinate kanila ang Cordova Police Station kabahin sa duha hinungdan nga ilahang gipahigayun ang operasyon.
Matud pa nga nahitabu ang operasyon sa sulud mismo sa panimalay ni Malinao apan nakabantay ang duha nga pulis ang ilahang gika-transaksyon hinungdan nga mipaboto ang mga subject.
Sigon ni PCapt Emia nga igu lang nga midepensa ang mga pulis ug misangput sa kamatayun sa duha.
Gipahibalu niini nga ‘noted’ ang maong mga subject sa Barangay Cansojong ug anaa kini sa ilahang drugs watchlist.
Dugang pa, giingung dili magpadakup nga buhi ang duha.
Nakuha sa maong operasyon ang 42 ka mga gagmay nga pakete nga shabu nga mutimbang ug 1.56 grams diin mikantidad ug P10,608.
Samtang, nasikup usab ang usa ka Rolando Dacuyana, kinsang kauban sa duha ka mga namatay.
