CEBU – Mikabat ug dul-an usa ka milyon ka pisos ang danyos sa nahitabung sunog sa Sitio Ponce 2, Barangay Carreta, dakbayan sa Sugbo, kaganihang
kaadlawun.
Gipahibalu ni Fire Chief Inspector Noel Ababon, Cebu City’s Fire Department head, nga gipasaka nila sa third alarm ang nahisgutang sunog
kung diin nagsugud kini alas 4 kaganihang kaadlawun ug pasado alas 5 na nga napalung.
Sa inisyal nga imbestigasyon, giingung nagagikan ang sunog sa panimalay ni Edna Basillote ug sa live-in partner niini nga si Jason Herciso.
Apan giklaru niini nga nagpadayun pa ang ilahang imbestigasyon ug sa pagkakarun, gikustudiya sa kapulisan si Jason alang sa ‘safe keeping’ gumikan sa giingung hilabihan nga kasuku sa mga biktima sa sunog.
Samtang, duha usab ang natala nga patay sa nahitabung sunog ug mao kini ang magti-ayun nga sila si Nicasio Orcullo, 62 anyus, ug Proserfina Orcullo, 57 anyus, human nga na-trap sa ilahang panimalay.
Mikabat sa 50 ka mga panimalay ang na-ugdaw sa maong sunog.
