Patay ang duha ka mga bata ug laing 17- ka mga indibidwal ang samdan human sa nahitabong pagpamusil-patay sa usa ka Catholic School sa Minneapolis.
Nahitabo ang pagpamusil samtang gipahigayun ang Annunciation Mass sa maong tunghaan, diin gibabagan sa suspitsado nga si Robin Westman, ang mga pultahan una namusil sa mga bata, apan pipila ka minuto ang milabay, napakaplagang patay ang suspek.
Gidudahan sa awtoridad nga giplanohan sa suspek ang pagpamusil ug gitun-an ang mga kalihokan sa tunghaan.
Samtang, nimanmando usab si US President Donald Trump, nga ipaubos ang bandila sa Estadus Unidos sa tanang buhatan sa gobyerno hangtud na sa adlawng Dominggo, agig pag-respeto ug pahasubo ngadto na sa mga biktima.
Sa pikas bahin, nagpahatud usab ug pahasubo sa mga pamilya ug higala sa mga biktima si Pope Leo XIV, human nasayud sa panghitabo.
Mihalad usab kini ug mga pag-ampo alang sa mga biktima, first responders ug mga alagad sa simbahan sa naasuyng tunghaan.
