CEBU CITY-Nagmahay ang 20-anyos nga lalaki human nga nadakpan sa mga sakop sa Parian Police Station sa Sitio Samayo Brgy. Lorega ning dakbayan sa Sugbo.
Giila ang dinakpan nga si Gian Christopher Borja Bacus,bag-ong ni-graduate sa Grade 10 ug nagpuyo sa naasoy nga dapit.
Atol sa buy-bust operation kay nakuha gikan kang Borja ang mga pakete sa gituohang shabu nga nagkantidad og 68,000 pesos ug narekober usab ang 200 pesos nga gigamit isip buy-bust Money.
Matud pa ni Borja nga bag-o pa siya nagsugod sa pagpamaligya og shabu tungod kay wala namay klasi hinungdan nga namasin kini nga maka-income.
Matud pa sa suspect nga sa usa ka adlaw mahalinan kini og 10 ka pakete sa shabu unya maka kwarta og 300 pesos, ingon man nga makaapil usab kini og suyop.
Nisaad si Borja nga kon gani maka-avail kini sa Plea Bargaining Agreement dili najud siya mamaligya og Shabu ug magbag-o na siya kung makagawas sa prisohan tungod kay naluoy kini sa iyang mama nga naghilak human nahibaw-an nga nadakpan kini sa mga kapulisan.
