Makadawat ug makabenepisyo ang kinatibuk-ang1,746 ka tricycle drivers sa Bogo City ang makadawat og P5,000 matag usa ubos sa Cash Relief Assistance (CRA) program sa DSWD Field Office VII karong alawa, Miyerkules, Abril 8, 2026, sa Bogo City Sports Complex.
Ang katuyuan sa maong one-time nga ayuda moa nga aron matabangan ang mga transport workers sa sa gisagubang nga kalisud sa kasamtangan, subay na sa pagsaka sa presyo sa mga lana karong panahaona, kinsa usa sila sa direktang apektado ug ang ilahang adlaw-adlaw nga pangita ug gasto sa adlaw-adlawng palaliton.
Ingun man nga ang inisyatibo nahiuyon sa direktiba ni Presidente Ferdinand Marcos Jr. nga maghatag og tukma sa panahon ug gitumong nga suporta sa mga huyang nga sector, ug kabahin usab sa lapad nga aksyon sa gobyerno aron matabangan ang mga sektor nga apektado sa global nga krisis sa ekonomiya, resulta sa walay hunong nga tensyon sa Middle East.
Kahinomdoman nga nagpahibalo ang Department of Social Welfare and Development – Central Visayas (DSWD-7) kabahin sa pagpang-apod sa hinabang pinansyal ngadto sa mga drayber sa tricycle sa rehiyon, subay gihapon sa tinguha sa gobyerno sa pag-abag og suporta sa sektor sa transportasyon.
Ang ahensya milatid nga ang ilang regional payout kay ipahigayon sa nagkadaiyang designated sites sa Sugbo ug Bohol aron masiguro ang han-ay og episyente nga distribution process alang sa mga benepisyaryo.
Gani diri sa dakbayan sa Sugbo, ang schedule sa payout kay ipahigayon sa Cebu City Sports Institute Gym sa Barangay Sawang Calero gikan sa alas 8 sa buntag hangtod alas 4 sa hapon.
