20,000 ka pamilya nga naapektuhan sa padayong pag-ayo sa mga river easement, dili na makadawat ug hinabang pinansyal gikan sa kagamhanan sa dakbayan sa Sugbo

CEBU CITY-Dili na makadawat ug hinabang pinansyal gikan sa kagamhanan sa dakbayan sa Sugbo ang kapin sa 20,000 ka pamilya nga naapektuhan sa padayong pag-ayo sa mga river easement.

Kini ang gipahibalo ni Atty. Gerardo Carillo, co-chairman sa Task Force Gubat sa Baha, nga gihunong na sa kagamhanan sa dakbayan ang paghatag ug cash assistance sa mga illegal settlers aron madiscourage ang “professional squatters” ug “squatting syndicates.”

Dugang pa, nga imbes sa cash assistance, ang kagamhanan sa dakbayan mohatag og kabalhinan sa balay alang sa mga kwalipikadong benepisyaryo.

Nagtuo si Carillo nga malikayan ang mga professional squatters ug squatting syndicates kung walay cash option sa illegal settlers.