CEBU CITY-Giaprobahan sa Cebu City Council ang P25 bilyones nga tinuig nga budget alang sa 2024 nga mahimo nang ipatuman human gilapas sa konseho ang veto ni Rama sa pipila ka probisyon.
Matod pa ni Konsehal Jocelyn “JOY” Pesquera nga kabahin sa ilang mandato ang pagsiguro nga ang panudlanan sa Syudad magamit sa hustong paagi gumikan gihatagan kini og higayon nga gipundohan sa mga magbubuhis, ug kini naglakip sa pagduso sa ilang gahum sa tinuig nga budget.
Nasayran nga ang P25 bilyones nga budget nga giaprobahan sa konseho alang sa 2024 mao’y 25 porsiyento sa P100 bilyones nga gisugyot sa executive department.
Dugang pa, nga ang mga probisyon magsilbing safety nets aron malikayan ang pag-abuso sa paggamit sa budget.
Sa pikas bahin, si City Budget Officer Jerone Castillo, niingon nga ilang susihon kon giunsa pag-override ang veto sa mayor.
Kini gumikan kay wala pa sila makadawat sa opisyal nga kopya sa pag-override sa veto ni Rama.
Mangayo usab sila sa minutes sa deliberasyon aron matino kon giunsa pag-override ang veto sa mayor.
Kini maoy basehan sa sunod nga lakang sa administrasyon.
