Gitugotan sa Metropolitan Cebu Water District (MCWD) ang mga private bulk water suppliers nga direktang mosuplay og tubig ngadto sa mga residente sa dakbayan sa Sugbo ubos sa kondisyon nga wala silay kasamtangang kontrata sa maong ahensya, kon tali sa MCWD.
Gipasabot ni MCWD General Manager Atty. DX Lapid nga mahimo kini nga lakang ilabi na sa mga dapit nga nag-atubang og grabeng kahuwang sa suplay sa tubig, apan gipasiugdahan niya nga ang ilang mga kasamtangang supplier dili mahimo nga makigkumpetensya kanila basi sa balaod sa kontrata.
Gitataw ni Atty. Lapid, ang ilang kasamtangan nga supplier dili mahimo nga makig kompetensya kanila, apan ang kadtong private water supplier, mahimo gayud nga maka suplay ngadto na sa mga lugar nga nagkaproblema sa tubig
Apan, wala gisalikway ni Atty Lapid nga ang usa ka private entity aduna kini nakapatong nga Value Added Tax (VAT) busa, laoman nga mas momahal ang bayranan sa matag konsumidor, ug ingun man ang sustainability niini
Busa, misugyot siya nga kung ugaling matoltolan ang mga residente nga walay klarong suplay sa tubig, pabisitahon sa buhatan sa MCWD buhan masuta kung mamahimo bang pahamtangan kini og mga pipes aron sila ang makasuplay sa maong konsumedor.
Nasayran nga niadtong Marso, gisuportahan sa konseho sa dakbayan sa Sugbo ang resolusyon ni Konsehal Alvin Arcilla nga nanawagan sa mga bulk water suppliers nga i-bypass ang MCWD aron maserbisyohan ang mga konsumidor human mawad-i og agas ang pipila ka barangay sa bukirang bahin sama sa Talamban, Bacayan, Pit-os, Binaliw, Pulang Bato, San Jose, Guba, ug Agsungot.
Gisitar ni Arcilla ang desisyon sa Korte Suprema sa kaso nga MCWD batok Margarita A. Adala diin gihisgutan nga ang prangkisa sa MCWD dili eksklusibo, hinungdan nga adunay gahum ang kagamhanan sa dakbayan sa pagpasulod og ubang provider alang sa kaayohan sa publiko.
