CEBU CITY-Gi-aprobahan na sa kagamhanang dakbayan sa Sugbo ang 2025 Budget niini sa wala pa naupos ang nabiling adlaw sa kasamtangang tuig.
Kini naaprobahan pinaagi sa usa ka “hybrid” special session sa konseho sa dakbayan kagahapon sa hapon niadtong adlaw sa Biyernes, Disyembre 27, 2024.
Nunot kini sa sugyot nga pagpadali sa ordinansa diin nagtubag sa mga hagit sa executive departments.
Apan, sa orihinal nga sugyot ni Cebu City Mayor Raymond Alvin Garcia nga P17.9-bilyones nga tinuig nga budget kay nakunhuran kini sa P3.3-bilyones.
Nagpakita nalang kini sa kinatibuk-ang P14.6-bilyones nga budget sa kagamhanang dakabayan diin naaprobahan sa botasyon sa konseho sa 8 ka ga konsehal ang mipabor samtang 7 ang nikontra.
Gipangulohan ang maong “hybrid” special session ni Acting Vice Mayor Nestor Archival Sr. tungod sa absence ni Vice Mayor Donaldo “Dondon” Hontiveros.
